Santri

SANTRI

Binalut sarung akudhung  kopiah

Ing lingsir wengi marikelu mlintiri tasbih

Mbarang jantur bebisik

Allah  . . . allah . . .  allah . . .

Dununge santri abot sanggane

Amarga ana kang mastani santri

Iku Sang tri utawa Sun  three werdine

Srengenge telu kang cahyane mblerengake

Sepisan cahyane Muhammad

Ya sumbere panuntun

Ya rama kawruh kang nenuntun

Saka petenge kejahiliahan

Kapindho cahyane ruh suci

Kasarira dening jibril

Kang maqame nggendhong kawruh

Bisaa kawruh kasarira mring sasama

Ndadekake apa kang kinucap

Padha apa kang tinindak

Katelu cahyane Sang Kawruh pribadi

Kang ana tan ana kang nganakake                          

Weruh tan ana kang nuduhake

Ora owah ora gingsir ing kahanan

Cahya tetelu manunggal kasarira ing santri

Lire santri kudu bisa nenuntun ing samubarang tindak

Ora kongas amarga nyekeli kawruh

Ora gumedhe nyarirani dadi cahyane kawruh